ჯანმრთელობის დაცვის მსოფლიო ორგანიზაციისა და საქართველოს მთავრობის რეკომენდაციების საფუძველზე ახალი კორონავირუსის გავრცელების პრევენციის მიზნით, საქართველოს ცენტრალურმა საარჩევნო კომისიამ 2020 წლის 24 მარტის №20/2020 განკარგულებით თანხმობა მისცა სწავლების ცენტრის დირექტორს, 2020 წლის 6 თებერვალს გამოცხადებული საგრანტო კონკურსის მიმართულებებზე საგრანტო პროექტების განხორციელების პერიოდის ცვლილებასთან დაკავშირებით, კერძოდ:
პირველი მიმართულების საკონკურსო თემატიკისთვის „პოლიტიკური პარტიების საარჩევნო შესაძლებლობების განვითარების ხელშეწყობა“ საგრანტო პროექტის განხორციელების პერიოდად განისაზღვრა 2020 წლის 1 ივნისი - 31 აგვისტო (3 თვე), ნაცვლად 2020 წლის 1 მაისი - 31 ივლისის პერიოდისა.
მეორე მიმართულების საკონკურსო თემატიკისთვის „ახალგაზრდა ამომრჩეველი საარჩევნო პროცესში“ საგრანტო პროექტის განხორციელების პერიოდად განისაზღვრა 2020 წლის 1 ივნისი - 31 ივლისი (2 თვე), ნაცვლად 2020 წლის 1 მაისი - 30 ივნისის პერიოდისა.
ამასთან, დადგინდა შემდეგი სახის დათქმა:
საგრანტო კონკურსთან დაკავშირებული შემდგომი ინფორმაცია ეტაპობრივად განთავსდება ვებ-გვერდზე.
