საჯარო სამართლის იურიდიული პირი - საარჩევნო სისტემების განვითარების, რეფორმებისა და სწავლების ცენტრი შეიქმნა საქართველოს ორგანულ კანონში “საქართველოს საარჩევნო კოდექსი” 2009 წლის 28 დეკემბერს განხორციელებული ცვლილებების შესაბამისად. ცენტრის საქმიანობის მიზნები და ამოცანები უკავშირდება კონკურენტუნარიანი პოლიტიკური სისტემის ჩამოყალიბების, საარჩევნო პროცესისადმი ამომრჩეველთა ნდობის ამაღლებისა და მიუკერძოებელი, გამჭვირვალე არჩევნების ჩატარების ხელშეწყობას. აღნიშნულის გათვალისწინებით ცენტრი თავის საქმიანობას სხვადასხვა მიმართულებით განახორციელებს:

• საარჩევნო რეფორმების ხელშეწყობა;
• კომპეტენციის ფარგლებში საარჩევნო სისტემების სრულყოფის მიზნით წინადადებებისა და რეკომენდაციების შემუშავება;
• საარჩევნო ადმინისტრაციის მოხელეების, საარჩევნო სუბიექტების, პოლიტიკური პარტიების, მედია-საშუალებების, არასამთავრობო ორგანიზაციების, მათ შორის, სადამკვირვებლო ორგანიზაციების წარმომადგენლების, ამომრჩევლებისა და სხვა დაინტერესებული პირების სწავლება და კვალიფიკაციის ამაღლება ადგილობრივ და საერთაშორისო ორგანიზაციებთან მჭიდრო თანამშრომლობის გზით;
• ცესკოს დადგენილებით განსაზღვრული წესით საარჩევნო ადმინისტრაციის მოხელეთა სერტიფიცირების ჩატარება;
• კომპეტენციის ფარგლებში მონიტორინგის განხორციელება;
• საქართველოს კანონმდებლობით განსაზღვრული სხვა უფლებამოსილებების განხორციელება.

ცენტრის მიზნობრივი აუდიტორია:

• საარჩევნო ადმინისტრაცია
• პოლიტიკური პარტიები
• მედია საშუალებები
• არასამთავრობო ორგანიზაციები
• ამომრჩევლები
• საარჩევნო პროცესით დაინტერესებული სხვა პირები