2014 წლის 22-26 სექტემბერს, პრაღაში საარჩევნო სისტემების საერთაშორისო ფონდის (IFES)  ევროპის რეგიონული ოფისის ორგანიზებით ჩატარდა განხილვები არჩევნების მდგრადობის მართვის დაგეგმვის მიმართულებით. განხილვებში მონაწილეობა მიიღო საქართველოს ცენტრალური საარჩევნო კომისიის დელეგაციამ ქალბატონი თამარ ჟვანიას ხელმძღვანელობით და ცესკოს სწავლების ცენტრის დირექტორმა ქალბატონმა ნათია ზაალიშვილმა. შეხვედრებს ესწრებოდნენ, ასევე არასამთავრობო სექტორის წარმომადგენლები საქართველოში რეგისტრირებული სხვადასხვა ორგანიზაციებიდან.

შეხვედრების ძირითადი მიზანი არჩევნების მდგრადობის მართვის დაგეგმარების მოდელის შემუშავება იყო, რაც თავის მხრივ მოიცავდა ისეთი მნიშვნელოვანი საკითხების განხილვას როგორიცაა: საარჩევნო პროცესის წინაშე არსებული რისკების შესამცირებლად აუცილებელი საშუალებები (მათ შორის, არჩევნების უსაფრთხოება და კომპიუტერული უსაფრთხოების უზრუნველყოფა, საბოლოო შედეგების კალკულაცია და შეჯამება, ადმინისტრაციული დაცვის მექანიზმები და ა.შ), მეთოდოლოგიები და სტრატეგიები (მათ შორის, საარჩევნო სფეროში სატრენინგო პროგრამების უზრუნველყოფასთან დაკავშირებით და ა.შ).

საარჩევნო სისტემების საერთაშორისო ფონდის რეგიონული ოფისის დირექტორმა კეტრინ ბარნსმა, საქართველოში IFES-ის პროექტის ხელმძღვანელ ნერმინ ნისიჩთან ერთად, შეხვედრის მონაწილეებს წარუდგინა საქართველოში განხორციელებული შეფასების მისიის შედეგად მომზადებული პრეზენტაციები. ცესკოს წამომადგენლებმა არჩევნების მდგრადობის მართვის დაგეგმარების ხელშეწყობის მიმართულებით სხვადასხვა ექსპერტებისგან მოისმინეს რეკომენდაციებიც.