2013 წლის 25 ოქტომბერს, ცენტრალური საარჩევნო კომისიის სწვლების ცენტრის,  სასჯელაღსრულებისა და პრობაციის სასწავლო ცენტრისა და სასჯელაღსრულების დეპარტამენტის ორგანიზებით, თავისუფლების აღკვეთის N8 დაწესებულებაში (გლდანი)  ჩატარდა ტრენინგი დაწესებულების თანამშრომლებისათვის თემაზე "საარჩევნო პროცესების ორგანიზება და მართვა სასჯელაღსრულების დაწესებულებებში". აღნიშნული ტრენინგები დღის განმავლობაში განხორციელდა ყველა იმ დაწესებულებაში, სადაც გაიხსნება საარჩევნო უბნები.

ტრენინგს გაუძღვნენ სასჯელაღსრულების დაწესებულებების ის თანამშრომლები, რომლებმაც აღნიშულ თემაზე უკვე გაიარეს ცესკოს სწავლების ცენტრისა და სასჯელაღსრულებისა და პრობაციის სასწავლო ცენტრის მიერ ერთობლივად განხორციელებული ტრენერთა ტრენინგი.

აღნიშნული სასწავლო პროგრამა მიზნად ისახავდა სასჯელაღსრულების სისტემის თანამშრომელთა მაქსიმალურ ინფორმირებას და მომზადებას საარჩევნო პროცესისთვის, ხმის მიცემის უფლების მქონე ბრალდებულთა/მსჯავრდებულთა ინფორმირებას, რაც ხელს შეუწყობს აღნიშნულ დაწესებულებებში საარჩევნო პროცესების ეფექტურად განხორციელებას.