23 მაისს საარჩევნო ადმინისტრაციის თანამშრომლებისთვის საევაკუაციო სწავლება/გავარჯიშება ჩატარდა. სიმულაცია წარმატებით განხორციელდა, რის შედეგადაც თანამშრომლებმა საგანგებო მდგომარეობისა და ევაკუაციის პროცესის ეფექტურად წარმართვის შესახებ პრაქტიკული ცოდნა მიიღეს.
საევაკუაციო სწავლების ჩატარება ხელს უწყობს დასაქმებული პირების საგანგებო მდგომარეობისთვის მომზადებას, ევაკუაციის პროცესს ხდის უფრო ეფექტურს და ორგანიზებულს. სწავლების დროს მოწმდება საგანგებო სიტუაციებზე რეაგირების ჯგუფის მუშაობა და ეფექტურობა. დასაქმებულები იღებენ პრაქტიკულ გამოცდილებას ევაკუაციის, პირველადი დახმარებისა და სხვა საჭირო უნარების შესახებ.
სამუშაო სივრცეში უსაფრთხო გარემოს შექმნა და დასაქმებულთა შრომის უსაფრთხოების უზრუნველყოფა საარჩევნო ადმინისტრაციის საქმიანობის ერთ-ერთი პრიორიტეტია. საქართველოს კანონმდებლობის მოთხოვნების შესაბამისად სწავლების ჩატარება ორგანიზაციას საშუალებას აძლევს გამოავლინოს ხარვეზები ევაკუაციის პროცესში, აღჭურვილობაში, სახანძრო და განგაშის სისტემებში და ხარვეზის არსებობის შემთხვევაში მიიღოს შესაბამისი ზომები.
