ცენტრალური საარჩევნო კომისიისა (ცესკო) და საარჩევნო სისტემების განვითარების, რეფორმებისა და წავლების ცენტრის წარმომადგენლები ლიეტუვას რესპუბლიკის საპრეზიდენტო არჩევნებსა და რეფერენდუმს დააკვირდნენ.
12 მაისს, საქართველოს საარჩევნო ადმინისტრაციის დელეგაციის წევრები კენჭისყრის მიმდინარეობასა და უბნების დახურვის პროცესს სხვადასხვა საარჩევნო უბანზე უწევდნენ მონიტორინგს.
ოფიციალური ვიზიტის ფარგლებში საქართველოს ცენტრალური საარჩევნო კომისიისა და სწავლების ცენტრის წარმომადგენლები, სხვა ქვეყნების საარჩევნო ადმინისტრაციებთან ერთად, ლიეტუვას ცენტრალური საარჩევნო კომისიის თავმჯდომარესა და წევრებს შეხვდნენ. შეხვედრის ფარგლებში ლიეტუვას ცესკოს წარმომადგენლებმა წინასაარჩევნო გარემოსა და არჩევნებისთვის მზადების პროცესზე ვრცლად ისაუბრეს.
ლიეტუვას რესპუბლიკაში მიმდინარე არჩევნებს საქართველოს ცენტრალური საარჩევნო კომისიის წევრები დიმიტრი ჯავახაძე და ია პირტახია, ასევე სწავლების ცენტრის წარმომადგენლები ზურაბ ლუაშვილი და დავით მაკარიძე, საერთაშორისო დამკვირვებლების სტატუსით აკვირდებოდნენ.
