მხარდაჭერის მიმღები პირების არჩევნებში მონაწილეობასთან დაკავშირებულ საკითხებზე ასოციაცია „ანიკაში“ სამუშაო შეხვედრა გაიმართა. შეხვედრის მონაწილეებმა ცენტრალური საარჩევნო კომისიის (ცესკო) მიერ მხარდაჭერის მიმღები პირებისთვის მარტივად წასაკითხ ფორმატში შემუშავებული არჩევნებში მონაწილეობის გზამკვლევის მიხედვით შექმნილი სასწავლო მოდული განიხილეს.
სასწავლო მოდული საარჩევნო სისტემების განვითარების, რეფორმებისა და სწავლების ცენტრის მიერ შეიქმნა. მოდული შემდგომში გამოყენებული იქნება მხარდაჭერის მიმღები პირების საკითხებზე მომუშავე ადგილობრივი არასამთავრობო ორგანიზაციების წარმომადგენლებისთვის მხარდაჭერის მიმღები პირების კენჭისყრაში მონაწილეობის შესახებ სასწავლო - საინფორმაციო კურსის ჩატარებისთვის. აღნიშნული აქტივობა საარჩევნო ადმინისტრაციის 2024 წლის სამოქმედო გეგმით გათვალისწინებული.
დღევანდელ შეხვედრას ცესკოს სტრატეგიული დაგეგმვისა და ანგარიშგების დეპარტამენტის უფროსი, სწავლების ცენტრის დირექტორი და წარმომადგენლები დაესწრნენ.
სამუშაო შეხვედრის დასასრულს მონაწილეებმა ასევე განიხილეს მხარდაჭერის მიმღები პირების მონაწილეობით ელექტრონული ტექნოლოგიების გამოყენებით გასამართი იმიტირებული კენჭისყრის ორგანიზებისთვის გასათვალისწინებელი საკითხები.
