ცესკო და სწავლების ცენტრი აგრძელებს სერტიფიცირების გამოცდების ციკლის განხორციელებას.
19 თებერვლიდან გათვალისწინებულია საუბნო საარჩევნო კომისიების წევრთა სერტიფიცირების გამოცდების ჩატარება საქართველოს მასშტაბით გახსნილ 8 საგამოცდო ცენტრში: თელავი, ბოლნისი, მარნეული, გარდაბანი, თეთრიწყარო, ახალციხე, ახალქალაქი, ნინოწმინდა.
ინკლუზიური საარჩევნო გარემოს ხელშეწყობის მიზნებისთვის, სწავლების ცენტრმა უზრუნველყო საგამოცდო ტესტების თარგმნა საქართველოში მცხოვრები ეთნიკური უმცირესობებისთვის გასაგებ ენებზე. გამოცდა ქართულ-სომხურ-აზერბაიჯანულ ენებზე ჩატარდება და ნათარგმნი საგამოცდო ტესტები უცვლელი ფორმით გამოიყენება სერტიფიცირების პროცესში.
ტესტები ხელმისაწვდომია ბმულებზე:
აღნიშნული ტესტები შედგენილია პროფილურად - საუბნო საარჩევნო კომისიის წევრთა ფუნქციების შესაბამისად, მოიცავს საკითხებს საქართველოს საარჩევნო კოდექსიდან და საუბნო საარჩევნო კომისიის რეგლამენტიდან, მათ შორის, ითვალისწინებს კითხვებს კენჭისყრის პროცესში ტექნოლოგიების გამოყენების ასპექტებზე.
გამოცდის ჩაბარების მსურველ პირებს შესაძლებლობა ექნებათ, გამოცდაზე დარეგისტრირდნენ 2024 წლის 8-14 თებერვლის პერიოდში. გამოცდის მიმდინარეობაზე საჯაროობის უზრუნველყოფის მიზნით, ამავე თარიღებში, ადგილობრივი არასამთავრობო და საერთაშორისო ორგანიზაციების წარმომადგენლები უფლებამოსილნი არიან გაიარონ აკრედიტაცია გამოცდის დამკვირვებლებად სტატუსის მისაღებად.
გამოცდის ჩაბარების მსურველ პირთა რეგისტრაცია და ადგილობრივი არასამთავრობო/საერთაშორისო ორგანიზაციების წარმომადგენლების აკრედიტაცია შესაძლებელია როგორც დისტანციურად, ისე შესაბამის საგამოცდო ცენტრებში სამდივნოების მეშვეობით. დისტანციური რეგისტრაციის/აკრედიტაციის წესი და შესაბამისი ბმული სწავლების ცენტრის საიტზე განთავსდება და გააქტიურდება 2024 წლის 8 თებერვალს. ამავე თარიღში გამოქვეყნდება საგამოცდო ცენტრებისა და გამოცდის სამდივნოების მისამართები.
გამოცდების ჩატარების პირობების გაცნობის მიზნით ეწვიეთ ბმულს:
საუბნო საარჩევნო კომისიის წევრთა და ხელმძღვანელ პირთა სერტიფიცირების დებულება
