სტრატეგიული დაგეგმვის საკითხებზე იმსჯელეს ცენტრალურ საარჩევნო კომისიაში (ცესკო) გამართულ სამუშაო შეხვედრაზე.
შეხვედრა ცესკოს თავმჯდომარე გიორგი კალანდარიშვილმა გახსნა. მან სამუშაო პროცესში სტრატეგიული დაგეგმვის მნიშვნელობაზე და მის ეფექტიან განხორციელებაზე ისაუბრა.
შეხვედრის მონაწილეები ორი დღის განმავლობაში ისეთ მნიშვნელოვან საკითხებს განიხილავდნენ, როგორიცაა შედეგზე ორიენტირებული, ინკლუზიური და მტკიცებულებებზე დაფუძნებული სტრატეგიული გეგმის შემუშავება; სიტუაციის ანალიზის მეთოდები; სტრატეგიული პრიორიტეტების, მიზნებისა და ამოცანების განსაზღვრა; სტრატეგიული გეგმისა და ლოგიკური ჩარჩოს შედგენის პროცესი, გაზომვადი ინდიკატორების შემუშავება და ა.შ.
სამუშაო შეხვედრა 10-11 ოქტომბერს, ცესკოს კოორდინაციის, დაგეგმვისა და ანგარიშგების დეპარტამენტის ორგანიზებით ჩატარდა და მასში ცესკოს სტრუქტურული ერთეულების ხელმძღვანელები, მენეჯერები და სწავლების ცენტრის ხელმძღვანელები მონაწილეობდნენ. აღნიშნულ თემაზე სამუშაო შეხვედრები ცესკოს აპარატის თანამშრომლებისთვის ეტაპობრივად გაიმართება.
