ცესკოს სწავლების ცენტრმა, მუნიციპალიტეტის ორგანოთა 2021 წლის 2 ოქტომბრის არჩევნებისთვის, ცესკოს კონტაქტ-ჰაბის ოპერატორების გადამზადების კურსის განხორციელება დაასრულა.

2021 წლის 28 სექტემბერს ჩატარდა ტრენინგის II ეტაპი, რომლის ფარგლებში მონაწილეები დეტალურად გაეცნენ კენჭისყრის დღისთვის ახალი კორონავირუსით გამოწვეული ინფექციის პრევენციის უზრუნველსაყოფად განსახორციელებელ ღონისძიებებს და კენჭისყრის დღის პროცედურებს, მათ შორის:  

• საარჩევნო უბნის გახსნა და კენჭისყრის დაწყებამდე ჩასატარებელი პროცედურები;
• კენჭისყრის პროცესი;
• ამომრჩეველთა პერსონალური მონაცემების დაცვა და ფოტო-ვიდეოგადაღების რეგულაციები;
• საარჩევნო უბნის დახურვა, საარჩევნო ყუთების გასხნა და ხმის დათვლის პროცედურები;
• კენჭისყრის შედეგების შემაჯამებელი ოქმის შედგენა;
• კენჭისყრის დღის განცხადებების/საჩივრების რეგისტრაცია.

ტრენინგის მონაწილეები ასევე გაეცნენ N4 კრწანისის საარჩევნო ოლქში ზოგიერთი პროცედურის ტექნოლოგიების გამოყენებით განსახორციელებელ ღონისძიებებს, პენიტენციურ დაწესებულებებში მყოფი ამომრჩევლების და სტაციონარულ სამკურნალო დაწესებულებებსა და იზოლაციაში (კარანტინი, თვითიზოლაცია) მყოფი ამომრჩევლების არჩევნებში მონაწილეობის უზრუნველყოფის საკითხებს. 

ტრენინგი კითხვა-პასუხის რეჟიმში წარიმართა, მონაწილეებმა მიიღეს ამომწურავი ინფორმაცია მათთვის საინტერესო საკითხების შესახებ.

სასწავლო კურსი მიზნად ისახავს ცესკოს კონტაქტ-ჰაბის ოპერატორების კვალიფიკაციის ამაღლების ხელშეწყობას, მათ მიერ არჩევნებთან დაკავშირებულ საკითხებზე დაინტერესებული პირებისთვის ამომწურავი ინფორმაციის მიწოდების სერვისის უზრუნველსაყოფად.