თავისუფალი და სანდო არჩევნების ჩატარების უზრუნველსაყოფად საარჩევნო პროცესში ადმინისტრაციული რესურსების არამართლზომიერად გამოყენების პრევენციის მნიშვნელობის გათვალისწინებით, 27 სექტემბერს, ცესკოს, სწავლების ცენტრისა და საჯარო სამსახურის ბიუროს პარტნიორობით, საჯარო მოხელეებთან საინფორმაციო ფორუმი გაიმართა.
შეხვედრა საჯარო სამსახურის ბიუროს უფროსმა ეკატერინე ქარდავამ და ცესკოს თავმჯდომარემ გიორგი კალანდარიშვილმა გახსნეს, რომლებმაც ყურადღება გაამახვილეს საჯარო მოსამსახურეების როლზე არჩევნების დემოკრატიულად ჩატარების პროცესში.
ფორუმზე მომხსენებლებად მიწვეულმა სწავლების ცენტრის დირექტორმა ნათია ზაალიშვილმა და ცესკოს იურიდიული დეპარტამენტის ხელმძღვანელმა გიორგი სანტურიანმა მონაწილეებს წარუდგინეს პრეზენტაცია, რომლის ფარგლებშიც, ეროვნული კანონმდებლობისა და საერთაშორისო პრაქტიკის გაზიარებით, საჯარო მოხელეებმა მიიღეს ინფორმაცია შემდეგ მნიშვნელოვან საკითხებზე:
საინფორმაციო ფორუმი დისტანციურ ფორმატში წარიმართა და მასში მონაწილეობა ცენტრალური და მუნიციპალური სახელმწიფო უწყებების წარმომადგენლება მიიღეს.
