16 სექტემბერს, სწავლების ცენტრის დირექტორი ნათია ზაალიშვილი ეროვნულ-დემოკრატიული ინსტიტუტის (NDI) სადამკვირვებლო მისიის წარმომადგენელს მარსელ ნაგის შეხვდა.
შეხვედარზე ყურადღება გამახვილდა 2021 წლის 2 ოქტომბრის არჩევნებისთვის საოლქო და საუბნო საარჩევნო კომისიების პროფესიული გადამზადების მიზნით შემუშავებული ინტენსიური ტრენინგების კონცეფციაზე. სწავლების ცენტრის დირექტორმა სადამკვირვებლო მისიის წარმომადგენელს ასევე მიაწოდა ინფორმაცია N4 კრწანისის საარჩევნო ოლქში ტექნოლოგიების გამოყენებით საპილოტე პროექტის განსახორციელებლად მიმდინარე საუბნო საარჩევნო კომისიების წევრთა გადამზადების პროცესზე.
არჩევნებში ჩართული მხარეების საარჩევნო შესაძლებლობების განვითარების ხელშეწყობის მიმართულებით განხილულ იქნა ცესკოს და სწავლების ცენტრის მიერ განხორციელებული საინფორმაციო-სასწავლო პროგრამები, მათ შორის, ქალი კანდიდატებისთვის, ადგილობრივი დამკვირვებელი ორგანიზაციების, საარჩევნო სუბიექტებისა და მედიის წარმომადგენლებისთვის.
სწავლების ცენტრის დირექტორმა ასევე ისაუბრა საარჩევნო პროცესის მიმდინარეობისას საჯარო უწყებებში ადმინისტრაციული რესურსებისა და თანამდებობრივი/სამსახურებრივი მდგომარეობის არამართლზომიერად გამოყენების პრევენციის მიზნით საჯარო მოსამსახურეებისთვის შემუშავებულ დისტანციურ ელქტრონულ სასწავლო პროგრამაზე.
სადამკვირვებლო მისიის წარმომადგენელს მიეწოდა ინფორმაცია ინკლუზიური საარჩევნო გარემოს უზრუნველსაყოფად გატარებულ ღონისძიებებზე, ასევე სხვადასხვა საინფორმაციო-სასწავლო მასალაზე, რომელიც, მათ შორის ხელმისაწვდომია ეთნიკური უმცირესობების ენებზე.
