საარჩევნო პროცესში ქალთა მონაწილეობის გააქტიურებისა და საარჩევნო საკითხებზე მათი ინფორმირებულობის ზრდის ხელშეწყობის მიზნით, სწავლების ცენტრმა განახორციელა საინფორმაციო-სასწავლო პროგრამა „ქალთა შესაძლებლობების განვითარების ხელშეწყობა პასიური საარჩევნო უფლების განსახორციელებლად“.

პროგრამაში მონაწილეობა მიიღო 26 ქალმა, სხვადასხვა პოლიტიკური პარტიიდან. საინფორმაციო-სასწავლო ხასიათის შეხვედრა დისტანციურ ფორმატში ჩატარდა. ბენეფიციარები გაეცნენ 2020 წლის 31 ოქტომბრის არჩევნებთან დაკავშირებულ მნიშვნელოვან საკითხებს, მათ შორის:

• საარჩევნო სისტემასთან დაკავშირებული საკანონმდებლო სიახლეები;
• გენდერული თანასწორობა არჩევნებში;
• საქართველოს პარლამენტის წევრობის კანდიდატის წარდგენის/რეგისტრაციის წესი და ვადა;
• წინასაარჩევნო კამპანია (აგიტაცია) და ადმინისტრაციული რესურსების არამართლზომიერად გამოყენების პრევენცია;
• საარჩევნო პროცესში კიბერშევიწროვების პრევენცია;
• საარჩევნო სუბიექტის წარმომადგენლის უფლებრივი მდგომარეობა (კომუნიკაცია საარჩევნო კომისიებთან, საარჩევნო დავები);
• კენჭისყრის დღე (მათ შორის, პანდემიის პირობებში არჩევნების უსაფრთხო გარემოში ჩატარებასთან დაკავშირებული რეგულაციები).

წარმოდგენილი ინიციატივა ცესკოსთან თანამშრომლობით განხორციელდა და ითვალისწინებს ინკლუზიური საარჩევნო გარემოს განვითარების ხელშეწყობას.