2020 წლის 31 ოქტომბრის საქართველოს პარლამენტის მორიგი/საკრებულოების შუალედური/მერების რიგგარეშე არჩევნებისთვის საოლქო საარჩევნო კომისიების წევრთა პროფესიული გადამზადების მიზნით შემუშავებული ტრენინგების კონცეფციის შესაბამისად, ორ ეტაპად განხორციელდა საოლქო საარჩევნო კომისიების წევრებისთვის გათვალისწინებული ინსტრუქტაჟი.

I ეტაპზე, 2020 წლის 10-16 სექტემბერის პერიოდში, 63 საოლქო საარჩევნო კომისიის (20 ძირითადი და 43 დამხმარე კომისია) წევრებს ჩაუტარდათ ინსტრუქტაჟი ძირითადი და დამხმარე საოლქო საარჩევნო კომისიების კომპეტენციას მიკუთვნებულ საკითხებზე. საოლქო საარჩევნო კომისიების წევრებისთვის ინსტრუქტაჟის ჩატარება უზრუნველყვეს საოლქო საარჩევნო კომისიების ხელმძღვანელმა პირებმა.

II ეტაპზე, 2020 წლის 19-22 სექტემბერის პერიოდში, 73 საოლქო საარჩევნო კომისიის წევრებს ინსტრუქტაჟი ჩაუტარდათ  შემდეგ ძირითად საკითხებზე: საოლქო და საუბნო საარჩევნო კომისიებს შორის საქმიანობის კოორდინაცია/კომუნიკაცია (მათ შორის, საორგანიზაციო - ლოჯისტიკურ საკითხებზე); პანდემიის პირობებში არჩევნების უსაფრთხო გარემოში ჩატარებასთან დაკავშირებული რეგულაციები; ამომრჩეველთა სიები; კენჭისყრის დღე და საარჩევნო ოპერაციების მართვა; არჩევნების კენჭისყრის შედეგების შეჯამება საოლქო საარჩევნო კომისიაში; არჩევნების სანდოობა და უსაფრთხოება. აღნიშნული ინსტრუქტაჟის ჩატარება უზრუნველყვეს სწავლების ცენტრის თანამშრომლებმა, დისტანციური სწავლების ფორმატში.