ცესკომ და სწავლების ცენტრმა, 2020 წლის 14 სექტემბერს, სახელმწიფო ინსპექტორის სამსახურის აპარატის თანამშრომლებს დისტანციურ ფორმატში ტრენინგი ჩაუტარა.

ტრენინგზე განხილულ იქნა შემდეგი მნიშვნელოვანი საკითხები:

• არჩევნებში ჩართული მხარეები და მათი უფლებრივი მდგომარეობა წინასაარჩევნო პერიოდში და კენჭისყრის დღეს (მათ შორის, საკანონმდებლო რეგულაციები კენჭისყრის შენობაში ყოფნის უფლების მქონე პირების მიერ ამომრჩეველთა პერსონალური მონაცემების დაცვის უზრუნველყოფად);
• საჯარო მოსამსახურის უფლებრივი მდგომარეობა საარჩევნო პროცესებში;
• საჯარო მოსამსახურის მიერ წინასაარჩევნო აგიტაციაში მონაწილეობასთან დაკავშირებული საკანონმდებლო შეზღუდვები;
• საარჩევნო პროცესში ადმინისტრაციული რესურსისა და თანამდებობრივი ან სამსახურებრივი მდგომარეობის არამართლზომიერად გამოყენების საკითხები, პრევენცია და დარღვევებზე რეაგირება.

საინფორმაციო-სასწავლო კურსი საარჩევნო პროცესებში მოქალაქეთა პერსონალური მონაცემების დაცვის ხელშეწყობის მიმართულებით საქართველოს საარჩევნო ადმინისტრაციასა და სახელმწიფო ინსპექტორის სამსახურს შორის არსებული თანამშრომლობის ფარგლებში განხორციელდა. ტრენინგში მონაწილეობა სახელმწიფო ინსპექტორის სამსახურის აპარატის 10 თანამშრომელმა მიიღო.