2020 წლის 6 თებერვალს სწავლების ცენტრის მიერ გამოცხადებული საგრანტო კონკურსის ფარგლებში, საკონკურსო კომისიის გადაწყვეტილებით დაფინანსდა 30 ადგილობრივი არასამთავრობო ორგანიზაცია, შემდეგ მიმართულებებზე:

• პირველი მიმართულება - პოლიტიკური პარტიების საარჩევნო შესაძლებლობების განვითარების ხელშეწყობა;
• მეორე მიმართულება - ახალგაზრდა ამომრჩეველი საარჩევნო პროცესში.

კონკურსის გამოცხადება მიზნად ისახავს ადგილობრივი არასამთავრობო სექტორის წახალისებას ისეთი პროექტების განსახორციელებლად, რომელიც მოცემულ შემთხვევაში მიმართული იქნება კონკურენტუნარიანი საარჩევნო გარემოს განმტკიცების ხელშესაწყობად ჩართული მხარეების - პოლიტიკური პარტიების საარჩევნო შესაძლებლობების გაძლიერებაზე და საზოგადოებაში ახალგაზრდა ამომრჩევლების საარჩევნო სამოქალაქო ცნობიერების ამაღლებაზე.

პირველი მიმართულების თემატიკაზე დაფინანსებული საგრანტო პროექტები 2020 წლის 15 ივნისიდან 14 სექტემბრის პერიოდში განხორციელდება და საქართველოს ყველა რეგიონს მოიცავს, ხოლო მეორე მიმართულების თემატიკაზე დაფინანსებული საგრანტო პროექტების განხორციელების პერიოდად 2020 წლის 15 ივნისი - 14 აგვისტო განისაზღვრა.

საგრანტო საკონკურსო კომისიის გადაწყვეტილებით დაფინანსებული არასამთავრობო ორგანიზაციების შესახებ ინფორმაცია იხილეთ ბმულზე.