2019 წლის 24 ოქტომბერს სწავლების ცენტრმა, ცესკოს ადამიანური რესურსების მართვის დეპარტამენტთან თანამშრომლობით, განახორციელა საორიენტაციო პროგრამა „არჩევნების მიმოხილვა - ზოგადი სასწავლო კურსი“ საარჩევნო ადმინისტრაციის (ცესკოს აპარატი, საოლქო საარჩევნო კომისიები) ახალი თანამშრომლებისა და სტაჟიორებისათვის. სასწავლო კურსი 15 მონაწილემ გაიარა (6 კაცი და 9 ქალი).

მონაწილეები პროგრამის ფარგლებში გაეცნენ ისეთ საკითხებს, როგორიცაა: არჩევნების ისტორიული ექსკურსი საქართველოში; არჩევითი სახელმწიფო ორგანოები და საარჩევნო სისტემა; დემოკრატიული არჩევნების სახელმძღვანელო  პრინციპები; საარჩევნო ადმინისტრაციის სტრუქტურა და საქმიანობის ზოგადი მიმოხილვა; საარჩევნო ადმინისტრაციის საქმიანობის პრიორიტეტები საარჩევნო ციკლის ჭრილში; არჩევნებში ჩართული მხარეები და მათი როლი.

აღნიშნული აქტივობა, საარჩევნო ადმინისტრაციის სტრატეგიული გეგმის შესაბამისად, მიზნად ისახავს საარჩევნო ადმინისტრაციის თანამშრომელთა პროფესიული განვითარების ხელშეწყობას.