ცენტრალური საარჩევნო კომისიის და სწავლების ცენტრის წარმომადგენლები მოლდოვას რესპუბლიკაში გამართულ საერთო ადგილობრივ და ვადამდელ საპარლამენტო არჩევნებს დააკვირდნენ.
საარჩევნო კომისიებთან ურთიერთობის დეპარტამენტის თანამშრომლები საბა დოროყაშვილი და იაკობ ასანიძე, შიდა აუდიტის და შრომის უსაფრთხოების დეპარტამენტის თანამშრომელი კობა ცერცვაძე, საარჩევნო სისტემების განვითარების, რეფორმებისა და სწავლების ცენტრის თანამშრომელი ზვიად ჭელიძე მოლდოვას რესპუბლიკაში, კიშინიოვში, არჩევნების სადამკვირვებლო მისიაში მონაწილეობდნენ. ისინი საარჩევნო უბნების გახსნას, საარჩევნო პროცესის მიმდინარეობას და უბნების დახურვის პროცედურებს დააკვირდნენ. ისინი ასევე დაესწრნენ მოლდოვას რესპუბლიკის ცენტრალურ საარჩევნო კომისიაში გამართულ შემაჯამებელ პრესკონფერენციას.
ვიზიტის ფარგლებში დელეგაციის წევრები სადამკვირვებლო მისიის სხვა წარმომადგენლებთან ერთად მოლდოვას ცენტრალური საარჩევნო კომისიის ხელმძღვანელობასა და წევრებს შეხვდნენ და მიმდინარე საარჩევნო პროცესებზე ისაუბრეს.
არჩევნები მოლდოვას რესპუბლიკაში 20 ოქტომბერს გაიმართა.
