2019 წლის 9 მაისს, ცესკომ და სწავლების ცენტრმა სტუდენტებს უმასპინძლა. შეხვედრა საქართველოს დამოუკიდებელ ბავშვთა და სტუდენტთა გაერთიანების ინიციატივით გაიმართა.
ღონისძიების ფარგლებში სწავლების ცენტრის წარმომადგენლებმა ახალგაზრდებს ჩაუტარეს სემინარი, რომლის ფარგლებში მონაწილეებმა მიიღეს ინფორმაცია შემდეგ საკითხებზე: არჩევნების ისტორიული ექსკურსი და თანამედროვეობა, არჩევნები და დემოკრატია, არჩევნების ჩატარების ძირითადი პრინციპები და საერთაშორისო სტანდარტები, გენდერული თანასწორობა, საარჩევნო პროცესში საარჩევნო ადმინისტრაციის და სხვა ჩართული მხარეების როლი, ამომრჩეველის მიერ საარჩევნო უფლების რეალიზების საკანონმდებლო მექანიზმები.
ვიზიტის ფარგლებში სტუდენტებმა ცესკოში არსებული საარჩევნო თემატიკის ისტორიული ფოტოგამოფენა დაათვალიერეს.
მსგავსი ტიპის შეხვედრები ხელს უწყობს მოქალაქეების ცნობიერების ამაღლებას საარჩევნო საკითხებთან დაკავშირებით.
