ცენტრალური საარჩევნო კომისიის (ცესკო) ინიციატივის - „ვიმსჯელოთ ერთად" ფარგლებში სამოქალაქო სექტორის წარმომადგენლებთან მორიგი სამუშაო შეხვედრა გაიმართა.

შეხვედრა ცენტრალური საარჩევნო კომისიის თავმჯდომარე თამარ ჟვანიამ გახსნა. მან სამოქალაქო სექტორის წარმომადგენლებს საარჩევნო კომისიების დაკომპლექტების პროცესთან დაკავშირებული სტატისტიკური ინფორმაცია გააცნო, რის შემდეგაც შეხვედრის მონაწილეებმა საარჩევნო ადმინისტრაციის  დაკომპლექტების საკითხთან დაკავშირებით ეუთო/ოდირის (OSCE/ODIHR) მიერ საარჩევნო ადმინისტრაციის მიმართ გამოთქმული ძირითადი რეკომენდაციის შესახებ ისაუბრეს. ზემოაღნიშნულ თემასთან დაკავშირებით საკუთარი მოსაზრებები და რეკომენდაციები წარმოადგინეს სამოქალაქო სექტორის წარმომადგენლებმა.

ცესკოს ინიციატივის - „ვიმსჯელოთ ერთად" ფარგლებში სამუშაო შეხვედრა მეორედ გაიმართა. ცესკოს და სწავლების ცენტრის ხელმძღვანელობასთან გამართულ შეხვედრას ესწრებოდნენ არასამთავრობო ორგანიზაციების წარმომადგენლები, რომლებიც დამკვირვებლის სტატუსით იყვნენ რეგისტრირებული 2018 წლის საქართველოს პრეზიდენტის არჩევნებისთვის და ამავდროულად შეუერთდნენ 2018 წლის „საქართველოს საარჩევნო ადმინისტრაციისა და ადგილობრივ დამკვირვებელ ორგანიზაციათა ქცევის კოდექსით“ განსაზღვრულ პრინციპებს, ასევე საარჩევნო სფეროში მომუშავე საერთაშორისო და დონორი ორგანიზაციების წარმომადგენლები.

ცესკოს ახალი ინიციატივა - „ვიმსჯელოთ ერთად“ მიზნად ისახავს სამოქალაქო სექტორთან საარჩევნო საკითხებზე პოზიციების გაცვლას და მსჯელობას; ამ საკითხების ერთობლივი ანალიზი კი ხელს შეუწყობს საარჩევნო საკითხებზე საერთო ხედვის ჩამოყალიბებას.