საქართველოს პრეზიდენტის 2018 წლის 28 ოქტომბრის არჩევნებისთვის სწავლების ცენტრის მიერ შემუშავებული ტრენინგების კონცეფციის შესაბამისად, 3 – 11 ოქტომბრის ჩათვლით პერიოდში განხორციელდა II ეტაპის ტრენინგები, რომელიც დაეთმო საუბნო საარჩევნო კომისიების წევრთა (თითო კომისიიდან 9 წევრი) სწავლებას. 

პროფილური სასწავლო პროგრამის ფარგლებში მონაწილეები გაეცნენ შემდეგ ძირითად საკითხებს:

• საარჩევნო უბნის გახსნა და საუბნო საარჩევნო კომისიის წევრთა შორის ფუნქციების წილისყრით განაწილება;
• საუბნო საარჩევნო კომისიის წევრთა მიერ საქმიანობის განხორცილება კენჭისყრის პროცესში ამომრჩევლის საარჩევნო უფლების რეალიზების უზრუნველსაყოფად;
• ამომრჩეველთა პერსონალური მონაცემების დაცვა;
• კენჭისყრის შენობაში ყოფნის უფლების მქონე პირების უფლებრივი მდგომარეობა;
• საუბნო საარჩევნო კომისიის წევრთა მიერ საქმიანობის განხორცილება საარჩევნო უბნის დახურვისა და ხმის დათვლის პროცესში;
• კენჭისყრის შედეგების შეჯამება საუბნო საარჩევნო კომისიაში.

საარჩევნო კომისიების წევრთა პროცედურული ცოდნის ამაღლების ხელშეწყობის მიზნით, ტრენინგები ჩატარდა კომბინირებული მეთოდოლოგიის გამოყენებით, მათ შორის, პრაქტიკული უნარ-ჩვევების გაღრმავების უზრუნველსაყოფად მონაწილეებმა განახორციელეს ეპიზოდური ინსცენირებები. პრაქტიკული სწავლების ფარგლებში, საუბნო საარჩევნო კომისიების წევრები ასევე გაეცნენ შეზღუდული შესაძლებლობის მქონე ამომრჩეველთა კენჭისყრაში მონაწილეობის საკითხებს ვიდეო-რგოლის ჩვენებით და შესაბამისი ინსტრუქტაჟის მიღებით.

ჩატარებულ ტრენინგებს 2 საერთაშორისო დამკვირვებელი ორგანიზაციის და 7 ადგილობრივი დამკვირვებელი ორგანიზაციის დამკვირვებლები დაესწრნენ (სულ - 67 დამკვირვებელი):

• ეუთოს დემოკრატიული ინსტიტუტებისა და ადამიანის უფლებათა ცენტრი (OSCE/ODIHR);
• ეროვნულ დემოკრატიული ინსტიტუტი (NDI);
• საერთო-სამოქალაქო მოძრაობა მრავალეროვანი  საქართველო;
• დემოკრატიულ ინიციატივათა საერთაშორისო ცენტრი;
• სამართლიანი არჩევნებისა და დემოკრატიის საერთაშორისო საზოგადოება;
• ახალგაზრდული ცენტრი ჩვენი თაობა 1921;
• საქართველოს პროფესიული განათლებისა და კვალიფიციური კადრების მომზადების მუშაკთა და სტუდენტთა პროფესიული კავშირი“;
• საქართველოს დემოკრატიული პრინციპებისა და ადამიანის უფლებათა დაცვის კავშირი;
• ინსტიტუციური განვითარებისა და მონიტორინგის ცენტრი.

II ეტაპის ტრენინგები გაიარა 3637 საუბნო საარჩევნო კომისიის 25355 წევრმა, მათ შორის ქალი - 19319, კაცი - 6036. დეტალური სტატისტიკა იხილეთ ბმულზე.