2018 წლის 27 სექტემბერს, საარჩევნო სისტემების განვითარების, რეფორმებისა და სწავლების ცენტრმა და საქართველოს შინაგან საქმეთა სამინისტროს აკადემიამ თანამშრომლობის მემორანდუმი გააფორმა. აღიშნულ დოკუმენტს ცენტრის დირექტორმა ნათია ზაალიშვილმა და შსს აკადემიის რექტორმა ივანე პაპიაშვილმა მოაწერეს ხელი.
მემორანდუმით გამოხატული თანამშრომლობის ფარგლებში სწავლების ცენტრი და შსს აკადემია შეიმუშავებს საინფორმაციო-სასწავლო პროგრამას სამართალდამცავი ორგანოების წარმომადგენლებისა და საარჩევნო კომისიების წევრებისთვის, რომლის ფარგლებშიც მონაწილეები მიიღებენ ინფორმაციას არჩევნების უსაფრთხოების უზრუნველსაყოფად გასატარებელი ღონისძიებების შესახებ. სასწალო კურსს გაივლის საარჩევნო კომისიების 44 000-მდე წევრი და სამართალდამცავი ორგანოების 8000-მდე წარმომადგენელი.
სწავლების ცენტრი და შსს აკადემია არჩევნებში ჩართულ სხვა მხარეებსაც - ადგილობრივი დამკვირვებელი ორგანიზაციების, პოლიტიკური პარტიების და მედიის წარმომადგენლებს სთავაზობს საინფორმაციო-სასწავლო პროგრამებს არჩევნების უსაფრთხოების საკითხებზე.
დღევანდელ ღონისძიებას ცესკოს თავმჯდომარის მოადგილე გიორგი შარაბიძე, ცესკოს მდივანი გიორგი ჯავახიშვილი და საქართველოში საარჩევნო სისტემების საერთაშორისო ფონდის პროექტის (IFES) ხელმძღვანელი ქეთი მაისურაძე ესწრებოდნენ, რომლებმაც მემორანდუმით გამოხატული ინიციატივის მნიშვნელობაზე გაამახვილეს ყურადღება, რაც სამოქალაქო ცნობიერების ამაღლებას და მშვიდობიანი საარჩევნო გარემოს ხელშეწყობას ისახავს მიზნად.
