ცენტრალური საარჩევნო კომისიის თავმჯდომარემ თამარ ჟვანიამ და სწავლების ცენტრის ხელმძღვანელმა ნათია ზაალიშვილმა ევროპის საარჩევნო მოხელეთა ასოციაციისა (ACEEEO) და ლიტვის რესპუბლიკის ცენტრალური საარჩევნო კომისიის მიერ ორგანიზებულ გენერალური ასამბლეის შეხვედრასა და 27-ე ყოველწლიურ კონფერენციაში მიიღეს მონაწილეობა.

კონფერენციის ძირითადი თემა იყო „ამომრჩეველთა კონფიდენციალობის, უსაფრთხოების და სანდოობის უზრუნველყოფა“, სადაც განსაკუთრებული აქცენტი საარჩევნო პროცესში კიბერუსაფრთხოების საკითხებზე გაკეთდა.

ცესკოს თავმჯდომარემ სიტყვით გამოსვლისას ყურადღება გაამახვილა საარჩევნო ადმინისტრაციის მიერ განხორციელებულ იმ პროექტებსა და საქმიანობებზე, რაც საარჩევნო პროცესების მიმართ საზოგადოების ნდობის ზრდის ხელშეწყობაზეა ორიენტირებული.

კონფერენციაში საარჩევნო ადმინისტრაციების და არჩევნებში ჩართული მხარეების 150-მდე წარმომადგენელი მონაწილეობდა. ACEEEO-ს ყოველწლიური საერთაშორისო კონფერენცია 5-7 სექტემბერს ვილნიუსში გაიმართა.