საარჩევნო ადმინისტრაციის წარმომადგენლებმა სპეციალიზებულ ტრენინგ-პროგრამაში მიიღეს მონაწილეობა, რომელიც საინფორმაციო და საკომუნიკაციო ტექნოლოგიების გამოყენებით არჩევნების მართვას ეხებოდა. სწავლება საარჩევნო ადმინისტრაციების ხელმძღვანელი პირებისთვის, მსოფლიო საარჩევნო ადმინისტრაციების ასოციაციის (A-WEB) ორგანიზებით სამხრეთ კორეის რესპუბლიკაში გაიმართა.

ცესკოს ამომრჩეველთა სიების ფორმირებისა და საინფორმაციო ტექნოლოგიების დეპარტამენტის უფროსმა ავთანდილ ცისკარიძემ და ცესკოს სწავლების ცენტრის სერტიფიცირებისა და პროექტების მართვის განყოფილების უფროსმა ზურაბ ლუაშვილმა სასწავლო პროგრამის ფარგლებში მიიღეს ინფორმაცია ისეთიმნიშვნელოვანი საკითხების შესახებ, როგორიც არის მოკლე და გრძელვადიანი სტრატეგიების შემუშავება საინფორმაციო ტექნოლოგიების განვითარების მიმართულებით, საარჩევნო მენეჯმენტი, ასევე საარჩევნო ტექნოლოგიების უახლესი მიღწევები და გამოწვევები. სწავლება მოიცავდა დისკუსიასაც, სადაც სხვადასხვა საარჩევნო ადმინისტრაციის წარმომადგენლებმა ერთმანეთს საკუთარ გამოცდილება გაუზიარეს.

სასწავლო პროგრამის ფარგლებში ცესკოს ამომრჩეველთა სიების ფორმირებისა და საინფორმაციო ტექნოლოგიების დეპარტამენტის უფროსმა ავთანდილ ცისკარიძემ წარადგინა პრეზენტაცია თემაზე საარჩევნო მართვის სპეციალიზებული სასწავლო პროგრამის შესახებ. ცესკოს წარმომადგენელმა საინფორმაციო ტექნოლოგიების როლზე ისაუბრა საარჩევნო პროცესებში.

ტრენინგი 18-25 აგვისტოს ჩათვლით მიმდინარეობდა და მასში სხვადასხვა საარჩევნო ადმინისტრაციის 30 წარმომადგენელი მონაწილეობდა.