ცენტრალური საარჩევნო კომისიის (ცესკო) და სწავლების ცენტრის წარმომადგენლებს დიპლომატიურ პროტოკოლსა და საქმიან ურთიერთობებში 5 დღიანი ტრენინგი ჩაუტარდათ. სწავლების თემატიკა მოიცავდა ისეთ მნიშვნელოვან მიმართულებებს, როგორიცაა დიპლომატიური პროტოკოლის არსი, ისტორიული წინამძღვრები და საკანონმდებლო მოწესრიგება, დიპლომატიური პროტოკოლის საერთაშორისო სტანდარტები და დიპლომატიური პროტოკოლი პრაქტიკაში.

ტრენინგი მოიცავდა როგორც თეორიულ, ასევე პრაქტიკულ ნაწილს. მონაწილეები დისკუსიისა და სხვადასხვა პრაქტიკული სავარჯიშოს მეშვეობით განიხილავდნენ საერთაშორისო ურთიერთობების აღიარებულ ნორმებს, წეს-ჩვეულებებსა და ტრადიციებს. კურსის ფარგლებში მონაწილეები გაეცნენ ძირითად საპროტოკოლო ღონისძიებებსა და პროცედურებს, ასევე მიიღეს ინფორმაცია საგარეო-პოლიტიკური საქმიანობების პრაქტიკული ასპექტების შესახებ. სწავლებას, „ევროპისა კადემიური ცენტრის“ მოწვეული ტრენერი, მაია ნასრაშვილი უძღვებოდა.

ტრენინგი, 6-11 აგვისტოს ევროსაბჭოს ფინანსური მხარდაჭერით ჩატარდა.