ცენტრალური საარჩევნო კომისიისა (ცესკო) და სწავლების ცენტრის თანამშრომლებმა ეფექტურ კომუნიკაციაში, მონიტორინგისა და შეფასების განხორციელებასა დაანგარიშების მომზადების გაუმჯობესებაში ტრენინგი გაიარეს.

ტრენინგი ცესკოს თავმჯდომარე თამარ ჟვანიამ გახსნა და აღნიშნული კურსის მნიშვნელობაზე ისაუბრა - „ტრენინგი საარჩევნო ადმინისტრაციის თანამშრომლების იმ უნარ-ჩვევების განვითარებას და შესაძლებლობების გაძლიერებას, იმ ძალიან მნიშვნელოვან პროცესს ემსახურება, რასაც ეფექტური კომუნიკაცია და ანგარიშგება ჰქვია. ამავდროულად, ამ ყველაფერს აქვს თავისი თანამედროვე სტანდარტები და მისი გაცნობა, გაზიარება და შემდგომში კიდევ უფრო ეფექტურად დანერგვა ჩვენს საქმიანობაში მნიშვნელოვანია“, - განაცხადა თამარ ჟვანიამ.

ტრენინგი 13 ივნისს დაიწყო და შემდეგ საკითხებს მოიცავდა: ინტერპერსონალური კომუნიკაციის მახასიათებლები, მონიტორინგის, შეფასების და ანგარიშგების სისტემები, ანგარიშგების მომზადების მეთოდები, მონიტორინგის დაგეგმვა-განხორციელების გეგმა და ა.შ. ტრენინგი ,,ევროპის აკადემიური ცენტრის“ ტრენერებმასალომე ზირაქაძემ და ნათია ბერძენიშვილმა ჩაატარეს.

5 დღიანი ტრენინგი ცესკოსა და სწავლების ცენტრის 25-მა წარმომადგენელმა გაიარა. ტრენინგი ევროსაბჭოს ფინანსური მხარდაჭერით ჩატარდა და 19 ივნისს დასრულდა.