ცენტრალური საარჩევნო კომისიისა და საარჩევნო სისტემების განვითარების, რეფორმებისა და სწავლების ცენტრის წარმომადგენლებმა რუმინეთის 100 წლის დამოუკიდებლობისადმი მიძღვნილ ღონისძიებაში მიიღეს მონაწილეობა. რუმინეთის მუდმივმოქმედი საარჩევნო კომისიის მიერ ორგანიზებული ღონისძიება ორ ნაწილად მიმდინარეობდა და პირველ ნაწილში გამართული კონფერენციის მთავარი თემა თანაბარი საარჩევნო უფლებები იყო. ხოლო მეორე ნაწილში ყურადღება გამახვილდა თავისუფალი არჩევნების, პარლამენტისა და ეროვნულ თვითშეგნებასთან დაკავშირებულ საკითხებზე.

კონფერენციის მეორე ნაწილში, ცენტრალური საარჩევნო კომისიის პრეს-სპიკერი ანა მიქელაძე სიტყვით გამოვიდა; მან, წინასწარი შედეგების გამოცხადების ვადის შემცირების გზით საარჩევნო ადმინისტრაციის სანდოობის გაზრდაზე ისაუბრა. აღნიშნულ თემაზე საქართველოს საარჩევნო ადმინისტრაციის მიერ მომზადებული სტატია ყოველწლიურ ჟურნალში „The Romanian Journal of Electoral Studies“ გამოქვეყნდება.

აღსანიშნავია, რომ კონფერენციაზე ასევე გამახვილდა ყურადღება თანასწორობის პრინციპების სხვადასხვა ასპექტებზე და მათ მნიშვნელობაზე არჩევნებში, ხმის თანაბრობასა და მანდატების განაწილების პრინციპებზე და რუმინეთის 100 წლიან საარჩევნო გამოცდილებაზე.

3-6 მაისს ჩატარებულ ღონისძიებას ცენტრალური საარჩევნო კომისიის პრეს-სპიკერ ანა მიქელაძესთან ერთად, ესწრებოდნენ შიდა აუდიტის დეპარტამენტის უფროსი ვალერიან მაისურაძე, ცესკოს სწავლების ცენტრის ხელმძღვანელი ნათია ზაალიშვილი და ამავე ცენტრის ტრენერი მაია ზარიძე.