სწავლების ცენტრი, პარტნიორ უნივერსიტეტებში, 18-დან 21 წლამდე ასაკის ახალგაზრდა ამომრჩეველებისთვის ახორციელებს პროექტს “ინფორმირებული ახალგაზრდა ამომრჩეველი“.

აღნიშნული ინიციატივა ითვალისწინებს უმაღლესი საგანმანათლებლო დაწესებულებების სტუდენტებისთვის 2 საათიანი სემინარების ჩატარებას. ახალგაზრდები მიიღებენ ინფორმაციას არჩევნების არსსა და მის მნიშვნელობაზე ქვეყნის დემოკრატიზაციის პროცესში; არჩევნების საერთაშორისო ვალდებულებებსა და პრინციპებზე; არჩევნებში ჩართულ მხარეებსა და მათ როლზე საარჩევნო პროცესში; აქტიურ მოქალაქეობაზე, ხმის მნიშვნელობაზე და არჩევნებში მონაწილეობის ძირითად მიზეზებზე, 2018 წლის ოქტომბერში გასამართი საქართველოს პრეზიდენტის არჩევნებზე.

2018 წლის 30 აპრილს სემინარები ჩატარდა აკაკი წერეთლის სახელმწიფო უნივერსიტეტში, ხოლო 3 მაისს გრიგოლ რობაქიძის სახელობის სახელმწიფო უნივერსიტეტში. 31 მაისამდე პროექტი ეტაპობრივად განხორციელდება სწავლების ცენტრის პარტნიორ უნივერსიტეტებში.

პროექტი “ინფორმირებული ახალგაზრდა ამომრჩეველი“ ხორციელდება 2013 წლიდან და მიზნად ისახავს ახალგაზრდა ამომრჩეველთა სამოქალაქო ცნობიერების ამაღლების ხელშეწყობას და ახალგაზრდების იმ ნაწილის გააქტიურებას, რომელიც პირველად იღებს მონაწილეობას არჩევნებში.