2018 წლის 28 აპრილს №54 მაჟორიტარულ საარჩევნო ოლქში გასამართი საქართველოს პარლამენტის შუალედური არჩევნებისთვის შემუშავებული საარჩევნო ადმინისტრაციის ტრენინგების კონცეფციის შესაბამისად, მიმდინარე წლის 22 – 24 აპრილის პერიოდში განხორციელდა საუბნო საარჩევნო კომისიების წევრთა IV ეტაპის ტრენინგები, რომელიც დაეთმო კენჭისყრის დღის ეპიზოდურ ინსცენირებას. საოლქო საარჩევნო კომისიების წევრებმა, სწავლების ცენტრის მიერ მომზადებული სასწავლო ხასიათის ინსტრუქციის მიხედვით, საარჩევნო უბნების განთავსების ადგილებზე, საუბნო საარჩევნო კომისიების წევრებს ჩაუტარეს ინსტრუქტაჟი, რომლის შემდეგ კომისიის წევრებმა პრაქტიკულად განახორციელეს კენჭისყრის დღის ეპიზოდური ინსცენირება (ეპიზოდური ინსცენირება ითვალისწინებდა კენჭისყრის დღის დილის 07:00 საათიდან - 08:00 საათამდე ჩასატარებელი პროცედურებისა და კენჭისყრის შედეგების შემაჯამებელი ოქმის შედგენის პრაქტიკული სავარჯიშოს შესრულებას).

ტრენინგი გაიარა 60  საუბნო საარჩევნო კომისიის 605 წევრმა, მათ შორის ქალი - 462; კაცი - 143.