ცენტრალური საარჩევნო კომისიისა (ცესკო) და საარჩევნო სისტემების განვითარების, რეფორმებისა და სწავლების ცენტრის (სწავლების ცენტრი) წარმომადგენლებმა ინდოეთის საარჩევნო კომისიის ეგიდით გამართულ ტრენინგში მიიღეს მონაწილეობა.

სწავლება - „საარჩევნო მენეჯმენტისა და შესაძლებლობების განვითარება“ ნიუ დელიში ჩატარდა. ტრენინგში ცესკოს ინფორმაციული უსაფრთხოების მენეჯერი კახაბერ ჟამურაშვილი და სწავლების ცენტრის პროექტების მართვისა და სერტიფიცირების განყოფილების თანამშრომელი თორნიკე გოგისვანიძე 20 ქვეყნის საარჩევნო ადმინისტრაციების წარმომადგენლებთან ერთად მონაწილეობდნენ.

ტრენინგის ძირითადი თემები იყო: არჩევნების უსაფრთხოება, სხვადსხვა ქვეყნის საარჩევნო სისტემები, საარჩევნო პროცესში თანამედროვე ტექნოლოგიების გამოყენება, ეთნიკური და რელიგიური უმცირესობების ჩართულობა და ა.შ. კახაბერ ჟამურაშვილმა და თორნიკე გოგისვანიძემ საქართველოს საარჩევნო ადმინისტრაციის საქმიანობის შესახებ წარადგინეს პრეზენტაცია.

ტრენინგი ინდოეთის მთავრობის დაფინანსებით, ინდოეთის საარჩევნო კომისიის ეგიდით, დემოკრატიისა და საარჩევნო მენეჯმენტის ინდოეთის საერთაშორისო ინსტიტუტის ორგანიზებით 5-16 მარტს გაიმართა.