თვითმმართველი ქალაქის/თვითმმართველი თემის მერების 2017 წლის 21 ოქტომბრის არჩევნების მეორე ტურისთვის სწავლების ცენტრმა შეიმუშავა საუბნო საარჩევნო კომისიის წევრთა ტრენინგების კონცეფცია. აღნიშნული კონცეფციის თანახმად 4 - 5 ნოემბერს სწავლების ცენტრი მუნიციპალიტეტებში უზრუნველყოფს სამუშაო შეხვედრების ჩატარებას საარჩევნო ადმინისტრაციის ტრენერებთან განახლებული სასწავლო პროგრამის გაცნობის მიზნით.

მოსამზადებელი კურსის გავლის შემდეგ საარჩევნო ადმინისტრაციის ტრენერები და სწავლების ცენტრის წარმომადგენლები, საოლქო საარჩევნო კომისიებთან თანამშრომლობით, 5-9 ნოემბრის პერიოდში განახორციელებენ საარჩევნო კანონმდებლობასთან დაკავშირებული სასწავლო პროგრამების ჩატარებას N29 ყაზბეგის, N36 ბორჯომის, N35 ხაშური, N59 ქუთაისის, N65 მარტვილის და N60 ოზურგეთის საარჩევნო ოლქებში მოქმედი საუბნო საარჩევნო კომისიების წევრებისათვის.  

ტრენინგები განხორციელდება ერთ ეტაპად, რომლის ფარგლებშიც მონაწილეები გაეცნობიან შემდეგ საკითხებს:

• საუბნო საარჩევნო კომისიის საქმიანობა კენჭისყრის დღემდე პერიოდში (ამომრჩეველთა ერთიანი სია, სპეციალური სია და გადასატანი საარჩევნო ყუთის სიის ფორმირების წესი);
• საუბნო საარჩევნო კომისიის საქმიანობა კენჭისყრის დღეს (საარჩევნო უბნის გახსნა და კენჭისყრამდე ჩასატარებელი პროცედურები, კენჭისყრის პროცესი, შშმ ამომრჩევლების ჩართულობის ხელშეწყობის პოლიტიკა, საარჩევნო უბნის დახურვა, კენჭისყრის შედეგების შეჯამება);
• კენჭისყრის დღის განცხადებები/საჩივრები.

ტრენინგების კონცეფციის შესაბამისად, საარჩევნო კანონმდებლობით  საუბნო საარჩევნო კომისიის წევრთა გამოწვევის ვადების ამოწურვის შემდგომ, გათვალისწინებულია დამატებითი ტრენინგების ჩატარება საუბნო საარჩევნო კომისიების შეცვლილი (ახალი) წევრებისათვის (10 ნოემბერი). 

იხილეთ ტრენინგების დეტალური გრაფიკი.