13 ოქტომბერს, ცესკომ და სწავლების ცენტრმა „ეთნიკურობისა და მულტიკულტურალიზმის შესწავლის ცენტრის“ ახალგაზრდებს უმასპინძლა. მათ ცესკოს სწავლების ცენტრის დირექტორის მოადგილე ნინო ბერულავა შეხვდა და სწავლების ცენტრის საქმიანობაზე ესაუბრა.

ახალგაზრდებისთვის ცესკოს სწავლების ცენტრის წარმომადგენლებმა არჩევნების არსის და საარჩევნო პროცესში ამომრჩევლის როლის შესახებ სემინარი ჩაატარეს. ვიზიტის ფარგლებში მათ ცესკოს კოორდინაციის, დაგეგმვისა და ანგარიშგების დეპარტამენტის უფროსი სოფიო სიჭინავა შეხვდა და დეტალური ინფორმაცია მიაწოდა იმ საქმიანობის შესახებ, რომელიც საარჩევნო ადმინისტრაციამ 2017 წლის ადგილობრივი თვითმმართველობის არჩევნებში ეთნიკური უმცირესობების ჩართულობის ზრდისა და მათი ინფორმირებულობისთვის განახორციელა.

შეხვედრის დასასრულს ახალგაზრდებმა ცესკოს ბიბლიოთეკა და ცესკოში განთავსებული ისტორიული ფოტო გამოფენა დაათვალიერეს, რომელიც ქვეყნის საარჩევნო ისტორიას ასახავს.