21 და 22 სექტემბერს, მარნეულისა და ახალციხის მუნიციპალიტეტებში გაიმართა სემინარი თემაზე - ქალთა საჭიროებები და ადგილობრივი თვითმმართველობის არჩევნები.

სწავლების ცენტრის წარმომადგენელმა ლაშა მელაძემ სემინარში მონაწილე ეთნიკური უმცირესობების წარმომადგენელ ქალ ამომრჩევლებს მიაწოდა ინფორმაცია 2017 წლის 21 ოქტომბრის არჩევნების შესახებ, ასევე წარმომადგენლობითი ორგანოს - საკრებულოსა და მერის კომპეტენციებისა და თვითმმართველობის განხორციელების პროცესში მოქალაქეთა როლის თაობაზე. დისკუსიის ფორმატში მონაწილეებმა ამომრჩეველთა უფლებებსა და არჩევნებში ამომრჩეველთა აქტიური მონაწილობის მნიშვნელობაზე იმსჯელეს.

სასწავლო-საინფორმაციო შეხვედრები განხორციელდა აღმოსავლეთ-დასავლეთის მართვის ინტიტუტის (EWMI) ACCESS-ის პროექტის „ეთნიკური უმცირესობების წარმომადგენელი ქალი ამომრჩევლის ჯგუფის ფორმირება" ფარგლებში, რომელსაც ახორციელებს ლევან მიქელაძის სახელობის ფონდი, USAID-ის დაფინანსებით.

სწავლების ცენტრი მუდმივად უწყობს ხელს ისეთი სასწავლო-საინფორმაციო პროექტების განხორციელებას, რომელიც მიზნად ისახავს ქალთა ჩართულობის გაძლიერებას საარჩევნო პროცესებში.