ეუთოს დემოკრატიული ინსტიტუტების და ადამიანის უფლებათა ოფისის (OSCE/ODIHR) და ეროვნულ დემოკრატიული ინსტიტუტის (NDI) სადამკვირვებლო მისიის წარმომადგენლები 17 სექტემბერს, ყვარელში, სწავლების ცენტრის მიერ ჩატარებულ საარჩევნო ადმინისტრაციის ტრენერთა ტრენინგებს დაესწრნენ.
სწავლების ცენტრის დირექტორმა ნათია ზაალიშვილმა სადამკვირვებლო მისიის წარმომადგენლებს 2017 წლის 21 ოქტომბრის არჩევნებისთვის საოლქო და საუბნო საარჩევნო კომისიების წევრებისთვის შემუშავებული სასწავლო პროგრამა, ტრენინგების სისტემა და მეთოდოლოგია გააცნო, ასევე, მიაწოდა ინფორმაცია არჩევნებში ჩართული მხარეებისა და ამომრჩევლებისთვის სწავლების ცენტრის მიერ მომზადებული სასწავლო პროექტების შესახებ.
ტრენერთა ტრენინგი 29 აგვისტოდან 20 სექტემბრის ჩათვლით პერიოდში საარჩევნო სისტემების საერთაშორისო ფონდის (IFES) მხარდაჭერით განხორციელდა.
ტრენერთა გადამზადების კურსი 166 ტრენერმა გაიარა.
OSCE/ODIHR-ის სადამკვირვებლო მისიის წარმომადგენლებმა საარჩევნო ადმინისტრაციის მოხელეთა სასერტიფიკაციო გამოცდის ჩატარების შესახებ სწავლების ცენტრის საქმიანობის გაცნობის მიზნით დაათვალიერეს საგამოცდო დარბაზი და მიიღეს ინფორმაცია სერტიფიცირების პროცესის ელექტრონულ ფორმატში ორგანიზების/მიმდინარეობის შესახებ.
