ცესკო და სწავლების ცენტრი იწყებს პროექტის „საარჩევნო განვითარების სკოლა“ განხორცილებას. პროექტის მიზანია ამომრჩეველთა სამოქალაქო ჩართულობის ზრდა და არჩევნების პოპულარიზაცია ახალგაზრდებში. პროექტის ფარგლებში 18-24 წლის ახალგაზრდებს შესაძლებლობა ექნებათ გაიარონ სასწავლო კურსი საარჩევნო თემებთან დაკავშირებით და მიიღონ შესაბამისი ცოდნა. ტრენინგები 17 ივლისიდან 28 ივლისის ჩათვლით ჩატარდება.
2015 და 2016 წელს პროექტის წარმატებით განხორციელების შემდეგ სკოლების რაოდენობა გაიზარდა, კერძოდ, 2017 წელს სწავლება გაიმართება საქართველოს 23 მუნიციპალიტეტში: გურჯაანი, სიღნაღი, თელავი, ახმეტა, რუსთავი, გარდაბანი, მარნეული, დუშეთი, გორი, ახალგორი (წეროვანი, დევნილთა დასახლება), ბორჯომი, ახალციხე, ამბროლაური, საჩხერე, ზესტაფონი, ქუთაისი, სამტრედია, ოზურგეთი, სენაკი, ზუგდიდი, ფოთი, ბათუმი და ქობულეთი.
საარჩევნო განვითარების სკოლის სასწავლო პროგრამა შემდეგ საკითხებს მოიცავს: საარჩევნო სისტემები, საარჩევნო ადმინისტრაცია, დემოკრატიული საარჩევნო პრინციპები, არჩევითი ორგანოები საქართველოში, არჩევნებში ჩართული მხარეები, არჩევნების გამჭვირვალობა და ხელმისაწვდომობა, გენდერული თანასწორობა და ა.შ.
პროექტში მონაწილეობის მიზნით 2017 წლის 5 ივლისიდან 12 ივლისის ჩათვლით მიმდინარეობს რეგისტრაცია. სასწავლო კურსის გავლის მსურველებმა უნდა შეავსონ აპლიკაცია და წარადგინონ ნებისმიერ საოლქო საარჩევნო კომისიაში. აპლიკანტმა საბუთების წარდგენისას უნდა იქონიოს პირადობის დამადასტურებელი დოკუმენტი.
ცესკო და სწავლების ცენტრი აღნიშნულ პროექტს ახორციელებს ევროპის საბჭოს (CoE) და საარჩევნო სისტემების საერთაშორისო ფონდის (IFES) მხარდაჭერით.
დამატებითი ინფორმაციის საჭიროების შემთხვევაში დაგვიკავშირდით: 2 51 00 51
საოლქო საარჩევნო კომისიების მისამართები, სადაც ჩატარდება ტრენინგები:
გურჯაანი, რუსთაველის ქ. №18
სიღნაღი, დ. აღმაშენებლის ქ. №13
თელავი, დავითაშვილის ქ. №2
ახმეტა, ბ. ჩოლოყაშვილის ქ. №50
ქ. რუსთავი, ფიროსმანის ქ. №19
გარდაბანი, დ. აღმაშენებლის ქ. №36
მარნეული, რუსთაველის ქ. №69
დუშეთი, მ. კოსტავას ქ. №23
წეროვანი, დევნილთა დასახლება, №3 საჯარო სკოლა
გორი, სამების ქ. №1
ბორჯომი,წმინდა ნინოს ქ. №11
ახალციხე, რუსთაველის ქ. №45
ამბროლაური, აღმაშენებლის ქ. №18
საჩხერე, მაჭავარიანის ქ. №41
ზესტაფონი, წერეთლის ქ. №5
სამტრედია, რესპუბლიკის ქ. №6
ქუთაისი, ი. ჭავჭავაძის გამზ. №31
ოზურგეთი, დოლიძის ქ. №1
სენაკი, რუსთაველის ქ. №223
ზუგდიდი, მ. კოსტავას ქ. №58
ქ. ფოთი, 26 მაისის ქ. №7
ბათუმი, დემეტრე თავდადებულის ქ. №27
ქობულეთი, მემედ აბაშიძის ქ. №10
