დასრულდა იურიდიული კლინიკის ფორმტში მორიგი სასწავლო კურსის „საქართველოს საარჩევნო სამართალი“ განხორციელება.

სწავლება ოთხ ეტაპს მოიცავდა (I ეტაპი-თეორიული და პრაქტიკული სწავლება; II ეტაპი-დისტანციური სწავლება; III ეტაპი - როლური თამაშები; IV ეტაპი-ფინალური გამოცდა) და მიზნად ისახავდა უმაღლესი საგანმანათლებლო დაწესებულებების სტუდენტების მიერ აუცილებელი პროფესიული ცოდნის გაღრმავებას საარჩევნო სამართლის დარგში, მათი პრაქტიკული უნარ-ჩვევების განვითარებასა და სამოქალაქო ცნობიერების ამაღლებას.

სასწავლო კურსი 2017 წლის 16 მარტიდან 15 ივნისის პერიოდში განხორციელდა. სწავლებაში მონაწილეობა მიიღო ივანე ჯავახიშვილის სახელობის თბილისის სახელმწიფო უნივერსიტეტის, სოხუმის სახელმწიფო უნივერსიტეტის, კავკასიის უნივერსიტეტის 25 სტუდენტმა, მათ შორის ქალი - 17; კაცი -8.