30 მაისს ცესკოში ღია კარის დღე გაიმართა სტუდენტებისთვის, რომლებიც საარჩევნო სამართლის დარგში, იურიდიული კლინიკის ფორმატში, სემესტრულ სწავლებას გადიან ცესკოს სწავლების ცენტრში.

ივანე ჯავახიშვილის სახელობის თბილისის სახელმწიფო უნივერსიტეტის, სოხუმის სახელმწიფო უნივერსიტეტის და კავკასიის უნივერსიტეტის სტუდენტები საარჩევნო ადმინისტრაციის საქმიანობას დეტალურად გაეცნენ. ცენტრალური საარჩევნო კომისიის თავმჯდომარის მოადგილე გიორგი შარაბიძემ სტუდენტებთან არჩევნების პროფესიულ დონეზე ჩატარების მნიშვნელობაზე და იმ აქტივობების შესახებ ისაუბრა, რომელსაც საარჩევნო ადმინისტრაცია ზოგადად საარჩევნო გარემოს გაუმჯობესებისთვის ახორციელებს.

ცესკოს კოორდინაციის, დაგაგმვისა და ანგარიშგების დეპარტამენტის უფროსმა  სოფიო სიჭინავამ კი ახალგაზრდებთან უშუალოდ საარჩევნო ადმინისტრაციის საქმიანობის შესახებ ისაუბრა. სტუდენტები ასევე გაეცნენ  ცესკოში არსებულ ისტორიულ ფოტო გამოფენას, რომელიც საქართველოს საარჩევნო ისტორიის უნიკალურ მასალებს მოიცავს და 1918-2008 წლების პერიოდს ასახავს. შეხვედრის ბოლოს ახალგაზრდები საინფორმაციო ტექნოლოგიების დეპარტამენტის საქმიანობასაც გაეცნენ.

სტუდენტები საარჩევნო ადმინისტრაციას სასწავლო პროგრამის ფარგლებში ესტუმრნენ, რომელსაც ცესკოს სწავლების ცენტრი ახორციელებს; სწავლების ცენტრში 2010 წლიდან ფუნქციონირებს იურიდიული კლინიკა, რომლის მიზანიც უმაღლესი საგანმანათლებლო დაწესებულებების იურიდიული ფაკულტეტის სტუდენტებში საარჩევნო სამართლის დარგში აუცილებელი პროფესიული ცოდნის გაღრმავება, მათი პრაქტიკული უნარ-ჩვევების განვითარება და სამოქალაქო ცნობიერების ამაღლებაა.