2017 წლის 2 მაისიდან 23 მაისის ჩათვლით  პროექტი „ინფორმირებული ახალგაზრდა ამომრჩეველი“ 9 პარტნიორ უმაღლეს სასწავლებელში - ბათუმის შოთა რუსთაველის სახელმწიფო უნივერსიტეტში; ილიას სახელმწიფო უნივერსიტეტში; თბილისის ღია სასწავლო უნივერსიტეტში; საქართველოს დავით აღმაშენებლის სახელობის უნივერსიტეტში; იაკობ გოგებაშვილის სახელობის თელავის სახელმწიფო უნივერსიტეტში; გურამ თავართქილაძუს სასწავლო უნივერსიტეტში; ქუთაისის  აკაკი  წერეთლის  სახელმწიფო  უნივერსიტეტში; გრიგოლ რობაქიძის სახელობის უნივერსიტეტში; სამცხე-ჯავახეთის სახელმწიფო უნივერსიტეტში -  განხორციელდა.

აღნიშნული ინიციატივა ითვალისწინებდა უმაღლესი საგანმანათლებლო დაწესებულებების სტუდენტებისთვის 1 საათიანი სემინარების ჩატარებას, რომელიც დაეთმო არჩევნების არსისა და საარჩევნო პროცესებში ამომრჩევლის როლის მნიშვნელობის საკითხების გაცნობას. პროექტში მონაწილეობა მიიღო  370-მა სტუდენტმა, მათ შორის ქალი - 235, კაცი - 135.

პროექტი “ინფორმირებული ახალგაზრდა ამომრჩეველი“ ხორციელდება 2013 წლიდან  და მიზნად ისახავს ახალგაზრდებში არჩევნების თემის პოპულარიზებას, მათი სამოქალაქო ცნობიერების ამაღლების ხელშეწყობასა და ინფორმირებას საარჩევნო უფლებების სრულყოფილად რეალიზების თაობაზე, რაც, თავის მხრივ, ითვალისწინებს არჩევნებში ახალგაზრდა ამომრჩევლების აქტიური ჩართულობის ზრდის ხელშეწყობას.