ცესკომ და სწავლების ცენტრმა შეიმუშავა ახალი პროექტი - „ვესაუბრები ამომრჩეველს“.
თბილისის, კახეთის, სამცხე-ჯავახეთის, მცხეთა-მთიანეთის, ქვემო ქართლისა და შიდა ქართლის საოლქო საარჩევნო კომისიების თავმჯდომარეებთან გამართული ორდღიანი სამუშაო შეხვედრების ფარგლებში ცესკოს თავმჯდომარემ თამარ ჟვანიამ პროექტის მნიშვნელობასა და მიზნებზე ისაუბრა, რაც ამომრჩევლებთან გასვლითი შეხვედრების საშუალებით 2017 წლის არჩევნებთან დაკავშირებით მათი ცნობიერების ამაღლებას გულისხმობს და საოლქო საარჩევნო კომისიებსა და ამომრჩევლებს შორის უფრო მჭიდრო კომუნიკაციის ჩამოყალიბებას ემსახურება.
პროექტის განხორციელების დეტალები მონაწილეებთან ერთად ცესკოს სწავლების ცენტრის ხელმძღვანელმა, ცესკოს კოორდინაციის დაგეგმვისა და ანგარიშგების დეპარტამენტის უფროსმა და საზოგადოებასთან ურთიერთობის განყოფილების ხელმძღვანელმა განიხილეს.
სამუშაო შეხვედრაზე ასევე იმსჯელეს გენდერულ საკითხებზე არჩევნების ჭრილში. სამუშაო შეხვედრები IFES-ის მხარდაჭერით ეტაპობრივად ყველა საოლქო საარჩევნო კომისიასთან (სამეგრელო, სვანეთი, აჭარა, გურია, იმერეთი, რაჭა-ლეჩხუმი) გაიმართება.
