ცენტრალურ საარჩევნო კომისიასა და სწავლების ცენტრში საქართველოს ახალგაზრდა იურისტთა ასოციაციის სამოქალაქო განათლების საკვირაო სკოლის მოსწავლეები იმყოფებოდნენ. ახალგაზრდებს ცესკოს თავმჯდომარე თამარ ჟვანია შეხვდა და მათ ქვეყნის დემოკრატიულ განვითარებაში არჩევნების მნიშვნელობის შესახებ ესაუბრა.
სწავლების ცენტრის დირექტორმა ნათია ზაალიშვილმა ახალგაზრდებს საარჩევნო სამოქალაქო განათლების პროექტები გააცნო, რომელსაც საარჩევნო კულტურისა და ქვეყანაში დემოკრატიული პროცესების განვითარების ხელშეწყობის მიზნით სწავლების ცენტრი ახორციელებს ამომრჩევლებისა და არჩევნებში ჩართული სხვა მხარეებისთვის.
საკვირაო სკოლის მოსწავლეებმა ცესკოში განთავსებული მუდმივმოქმედი გამოფენა დაათვალიერეს, რომელიც საქართველოში სხვადასხვა დროს ჩატარებული არჩევნების ისტორიას ასახავს. გარდა ამისა, ისინი ცესკოს სტრუქტურული ერთეულების ხელმძღვანელებსაც შეხვდნენ და მათგან ინფორმაცია ცესკოს მუშაობის სპეციფიკის შესახებ მიიღეს.
