15 ნოემბერს, ცენტრალურ საარჩევნო კომისიაში შეზღუდული შესაძლებლობის მქონე პირთა საკითხებზე მომუშავე მუდმივმოქმედი ჯგუფის შეხვედრა გაიმართა. შეხვედრას როგორც სამუშაო ჯგუფის წევრი სწავლების ცენტრის დირექტორიც ესწრებოდა.

მონაწილეებმა 2016 წლის 8 ოქტომბრის არჩევნებში შშმ პირთა კენჭისყრაში დამოუკიდებელად მონაწილეობასთან დაკავშირებით არსებული მიღწევების შესახებ ისაუბრეს და გამოვლენილი ხარვეზების შესახებაც იმსჯელეს. ცესკოს თავმჯდომარე თამარ ჟვანიამ იმ სერვისებზე ისაუბრა, რომელიც საარჩევნო ადმინისტრაციამ შშმ პირებისთვის განახორციელა და ყურადღება გაამახვილა საარჩევნო ბიულეტენის ახალ ჩარჩო/ფორმაზე, რომელიც უსინათლო ამომრჩევლებისთვის წელს პირველად იყო ხელმისაწვდომი.

ჯგუფის წევრებთან ერთად შეხვედრას, ასევე ესწრებოდნენ არასამთავრობო ორგანიზაციების წარმომადგენლები, რომლებიც შშმ პირთა საკითხებზე მუშაობენ.  

აღსანიშნავია, რომ ინკლუზიური საარჩევნო გარემოს გაუმჯობესების მიზნით, მსგავსი ტიპის შეხვედრები საარჩევნო ადმინისტრაციის ინიციატივით, მუდმივად იმართება.