საარჩევნო სისტემების განვითარების, რეფორმებისა და სწავლების ცენტრის საქმიანობის ერთ-ერთ ძირითად მიმართულებას წარმოადგენს ამომრჩეველთა სამოქალაქო და საარჩევნო კულტურის გაღრმავების ხელშეწყობა. ამ მიზნით, ცესკოს სწავლების ცენტრი 2010 წლიდან ურთიერთთანამშრომლობის მემორანდუმის საფუძველზე ქვეყნის მასშტაბით 19 უმაღლეს საგანმანათლებლო დაწესებულებაში ახორციელებს სამოქალაქო განათლებისა და საარჩევნო კულტურის გაღრმავებაზე ორიენტირებულ საგანმანათლებლო პროგრამებს, მათ შორის საგანმანათლებლო პროგრამას საარჩევნო სამართლის დარგში („სასწავლო კურსი საარჩევნო სამართალში“), როგორც იურიდიული ფაკულტეტის სტუდენტებისათვის, ასევე პოლიტიკურ და სოციალურ მეცნიერებათა ფაკულტეტის (მედიის სკოლა) სტუდენტებისთვის. სასწავლო კურსი მიზნად ისახავს უმაღლესი საგანმანათლებლო დაწესებულებების სტუდენტების მიერ აუცილებელი პროფესიული ცოდნის გაღრმავებას საარჩევნო სამართლის დარგში, მათი პრაქტიკული უნარ-ჩვევების განვითარებასა და სამოქალაქო ცნობიერების ამაღლებას.

2016-2017 წლის პირველ სემესტრში ცესკოს სწავლების ცენტრი “საარჩევნო სამართლის დარგში” სასწავლო პროგრამას ახორციელებს 8 უმაღლეს სასწავლებელში, მათ შორის:

• სულხან-საბა ორბელიანის  სასწავლო  უნივერსიტეტი (სამართლის ფაკულტეტი)
• საქართველოს დავით აღმაშენებლის სახელობის უნივერსიტეტი(სამართლის სკოლა)
• აღმოსავლეთ  ევროპის    სასწავლო    უნივერსიტეტი (იურიდიული ფაკულტეტი)
• გორის სახელმწიფო სასწავლო უნივერსიტეტი (სოციალურ მეცნიერებათა, ბიზნესისა და სამართალმცოდნეობის ფაკულტეტი)
• სამცხე-ჯავახეთის სახელმწიფო უნივერსიტეტი (იურიდიული ფაკულტეტი)
• ივ. ჯავახიშვილის სახელობის თბილისის სახელმწიფო უნივერსიტეტი (სოციალურ და პოლიტიკურ მეცნიერებათა ფაკულტეტი)
• ილისა სახელობის უნივერსიტეტი (მეცნიერებათა და ხელოვნების ფაკულტეტი)
• იაკობ გოგებაშვილის სახელობის თელავის სახელმწიფო უნივერსიტეტი(მეცნიერებათა და ხელოვნების ფაკულტეტი)

სასწავლო პროგრამის განხორციელების უზრუნველსაყოფად ცესკოს სწავლების ცენტრის მიერ მომზადდა ელექტრონული პრეზენტაციები, დამხმარე სახელმძღვანელოები ლექტორებისათვისა და საქართველოს უმაღლესი საგანმანათლებლო დაწესებულების სტუდენტებისათვის.