საქართველოს პარლამენტის 2016 წლის 8 ოქტომბრის არჩევნებისთვის ეთნიკური უმცირესობების წარმომადგენელ ამომრჩეველთათვის თანაბარი საარჩევნო გარემოს ხელშეწყობის მიზნით, 2016 წლის 19 სექტემბერს ცესკომ და სწავლების ცენტრმა  გამართა მორიგი შეხვედრა 13 საოლქო საარჩევნო კომისიის წევრებთან.   

სამუშაო შეხვედრაზე განხილულ იქნა სწავლების ცენტრის მიერ ამომრჩევლებისთვის შემუშავებული საინფორმაციო - სასწავლო მოდული  „ხმის მიცემის პროცედურა“, რომელსაც საოლქო საარჩევნო კომისიის წევრები თავის მხრივ გააცნობენ ადგილობრივ მოსახლეობას, რაც მათ მიერ საარჩევნო უფლებების სრულყოფილად რეალიზების ხელშეწყობას ემსახურება.

საინფორმაციო ხასიათის შეხვედრები ამომრჩევლებთან გაიმართება მიმდინარე წლის 22 სექტემრიდან - 30 სექტემბრამდე ეთნიკური უმცირესობებით დასახლებულ მუნიციპალიტეტებში - სამცხე-ჯავახეთი, კახეთი, ქვემო ქართლი.

შეხვედრაზე, ასევე განხილულ იქნა საარჩევნო პროცესში ეთნიკური უცირესობების  ინტეგრაციის ხელშეწყობის მიმართულებით განხორციელებული სხვა საქმიანობები.