2016 წლის 3-4 სექტემბერს, ქ. თელავში, სასტუმრო „ლოპოტაზე“ არასამთავრობო ორგანიზაცია მედიის განვითარების ფონდმა (MDF) ჰოლანდიის საელჩოს მხარდაჭერით სხვადასხვა ტელეკომპანიების ჟურნალისტებისთვის გამართა ტრენინგი თემაზე “არჩევნების გაშუქება”.

არასამთავრობო ორგანიზაციის მიწვევით აღნიშნულ ტრენინგში მონაწილეობა მიიღეს ცესკოსა და სწავლების ცენტრის წარმომადგენლებმა.

სწავლების ცენტრის წარმომადგენელმა ნათია იოსელიანმა მედიის წარმომადგენლებს ამომწურავი ინფორმაცია მიაწოდა  კენჭისყრის დღის პროცედურებთან დაკავშირებით და მათთან ერთად ჩაატარა სიმულაციური სავარჯიშოები. ცესკოს წევრმა ზურაბ ხრიკაძემ ტრენინგის მონაწილეებს გააცნო საარჩევნო სისტემები.

სწავლების ცენტრი მუდმივად უწყობს ხელს პროაქტიულ თანამშრომლობას ჩართულ მხარეებთან, მათ შორის მედიასთან და მომავალშიც უზრუნველყოფს მსგავსი ტიპის შეხვედრების ჩატარებას არჩევნებში ჩართული მხარეებისთვის.