დღეს ცენტრალურ საარჩევნო კომისიაში არჩევნების უსაფრთხოების უზრუნველყოფის მიმართულებით სამუშაო შეხვედრა გაიმართა, რომელშიც ცესკოს, სწავლების ცენტრის, შინაგან საქმეთა სამინისტროს და საარჩევნო სისტემების საერთაშორისო ფონდის (IFES) ხელმძღვანელი პირები და ექსპერტები მონაწილეობდნენ.

შეხვედრას, ექსპერტი საარჩევნო უსაფრთხოების საკითხებში და IFES-ის აზია-წყნარი ოკეანის რეგიონული დირექტორი ვასუ მოჰანი უძღვებოდა. მონაწილეებმა არჩევნების უსაფრთხოების უზრუნველყოფის მიმართულებით სახელმძღვანელო ინსტრუქციის კონცეფცია განიხილეს.

პროექტის ფარგლებში საარჩევნო ადმინისტრაციისა და შინაგან საქმეთა სამინისტროს თანამშრომლები, რომლებმაც 28-29 ივლისს უსაფრთხოების საკითხებზე  ტრენინგი გაიარეს შეიმუშავებენ სახელმძღვანელოს, ინსტუქციას, რომელიც აღწერილი იქნება არჩევნების და უსაფრთხოების საერთაშორისო სტანდარტები.

სამუშაო შეხვედრა ცესკოს ინიციატივით, შინაგან საქმეთა სამინისტროსთან თანამშრომლობით და საარჩევნო სისტემების საერთაშორისო ფონდის (IFES) მხარდაჭერით გაიმართა.