2016 წლის 25 ივლისიდან - 5 აგვისტოს ჩათვლით ოც მუნიციპალიტეტში საგანმანათლებლო პროექტის „საარჩევნო განვითარების სკოლა“ ახალი ეტაპი იწყება.

დღეს 4 ივლისს, დაბა გუდაურში,  ცენტრალურმა საარჩევნო კომისიამ და ცესკოს სწავლების ცენტრმა პროექტში მონაწილე ტრენერთა (ToT) მომზადება დაიწყო, რომლის ფარგლებში 46 ტრენერი საჭირო გადამზადებას გაივლის. ტრენერთა ტრენინგი 7 ივლისს დასრულდება.

სწავლების დაწყებამდე, მონაწილეებს ცესკოს თავმჯდომარის მოადგილე გიორგი შარაბიძე, ცესკოს მდივანი გიორგი ჯავახიშვილი და ცესკოს სწავლების ცენტრის ხელმძღვანელი ნათია ზაალიშვილი   მიესალმნენ.

გადამზადებული ტრენერები, რომლებიც საოლქო საარჩევნო კომისიების წევრები და საარჩევნო ადმინისტრაციის ტრენერები არიან, უზრუნველყოფენ ტრენინგების ჩატარებას საარჩევნო განვითარების სკოლებში.

საარჩევნო სისტემები, საარჩევნო ადმინისტრაცია, დემოკრატიული პრინციპები, არჩევითი ორგანოები საქართველოში, არჩევნებში ჩართული მხარეები, არჩევნების გამჭვირვალობა და ხელმისაწვდომობა, გენდერული თანასწორობა - ეს იმ თემების არასრული ჩამონათვალია, რომელსაც საარჩევნო განვითარების სკოლის მონაწილეები, 18-დან 24 წლამდე ახალგაზრდები გაეცნობიან.   

პროექტი მიზნად ისახავს სამოქალაქო ჩართულობის ხელშეწყობასა და არჩევნების პოპულარიზაციას ახალგაზრდებში.

ტრენერთა სწავლების პროექტს ცესკო და სწავლების ცენტრი, საარჩევნო სისტემების საერთაშრისო ფონდთან (IFES) თანამშრომლობით ახორციელებს.