„საარჩევნო სამართლის დარგში“ სასწავლო კურსის მორიგი ეტაპი (2015-2016 სასწავლო წლის გაზაფხულის სემესტრი) დასრულდა. სასწავლო კურსი ბათუმში, ქუთაისში, გორში, თელავსა და თბილისში მდებარე 10 უმაღლეს სასწავლო დაწესებულებაში განხორციელდა, მათ შორის:
ივ. ჯავახიშვილის სახელობის თბილისის სახელმწიფო უნივრესიტეტისა და სოხუმის სახელმწიფო უნივერსიტეტის 20-მდე სტუდენტებმა კი სასწავლო კურსი უშუალოდ სწავლების ცენტრში, იურიდიული კლინიკის ფორმატში გაიარა.
საქართველოს საარჩევნო სამართლის ისტორია, საარჩევნო სამართლის წყაროები და პრინციპები, საარჩევნო ადმინისტრაციის სტატუსი და სისტემა, წინასაარჩევნო კამპანია, არჩევნების დაფინანსება, არჩევნების მონიტორინგი და მედია, საარჩევნო დავები, საქართველოს პრეზიდენტის არჩევნები, საქართველოს პარლამენტის არჩევნები, აჭარის უმაღლესი საბჭოს არჩევნები, ადგილობრივი თვითმმართველობის წარმომადგენლობითი ორგანოს - საკრებულოს არჩევნები, ქალაქის/თემის მერის/გამგებლის არჩევნები, რეფერენდუმი და პლებისციტი ეს იმ თემების ჩამონათვალია, რომელიც პროგრამაში მონაწილე 434 სტუდენტებმა სასწავლო კურსის ფარგლებში გაიარა.
ცენტრის მიერ შემუშავებული სასწავლო კურსი „საარჩვნო სამართლის დარგში“ მიზნად ისახავს ახალგაზრდების სამოქალაქო ცნობიერებისა და საარჩევნო კულტურის ამაღლების ხელშეწყობას, სტუდენტების მიერ აუცილებელი პროფესიული ცოდნის გაღრმავებას და მათი პრაქტიკული უნარ-ჩვევების განვითარებას. პროგრამა სემესტრულად ხორციელდება 19 უმაღლეს სასწავლო დაწესებულებაში. 2010 წლიდან დღემდე სასწავლო კურსი გაიარა 3317 სტუდენტმა.
