ცესკოს სწავლების ცენტრი სპეციალური პენიტენციური სამსახურის პენიტენციურ დაწესებულებებში მყოფი ამომრჩევლების მუნიციპალიტეტის ორგანოთა 2021 წლის 2 ოქტომბრის არჩევნებში მონაწილეობის უზრუნველყოფისა და მათი საყოველთაო საარჩევნო უფლების რეალიზების მიზნით, ახორციელებს საინფორმაციო - სასწავლო კურსს პენიტენციურ დაწესებულებებში შექმნილი საუბნო საარჩევნო კომისიების/სპეციალური ჯგუფების წევრებისთვის.

ტრენინგების კონცეფციის შესაბამისად, გადამზადებას გაივლის საუბნო საარჩევნო კომისიების სრული შემადგენლობა. მონაწილეები მიიღებენ ინფორმაციას მათ კომპეტენციას მიკუთვნებულ შემდეგ ძირითად საკითხებზე:

• საარჩევნო უბნის შექმნა პენიტენციურ დაწესებულებაში და უფლებამოსილების ვადა;
• პენიტენციურ დაწესებულებაში შექმნილი საუბნო საარჩევნო კომისიის/სპეცჯგუფის წევრების/დამკვირვებლების/საარჩევნო სუბიექტების/მედია საშუალებების წარმომადგენლების მიერ სავალდებულო კარანტინის გავლის წესი;
• კენჭისყრის დღისთვის ახალი კორონავირუსით (SARS-CoV-2) გამოწვეული ინფექციის (COVID-19) გავრცელების პრევენციული ღონისძიებები;
• საარჩევნო უბნის გახსნა და კენჭისყრის შენობაში ყოფნის უფლების მქონე პირები;
• კენჭიყრის დაწყებამდე ჩასატარებელი პროცედურები;
• კენჭისყრის პროცესი ეპიდემიოლოგიური პროტოკოლის გათვალისწინებით;
• კენჭისყრის პროცესის უსაფრთხოება;
• კენჭისყრაში მონაწილე ამომრჩეველთა რაოდებობის აღრიცხვა;
• საარჩევნო უბნის დახურვა ხმების დათვლამდე ჩასატარებელი პროცედურები;
• საარჩევნო ყუთების გახსნა და ბიულეტენების დათვლის პროცესი;
• კენჭისყრის შედეგების შემაჯამებელი ოქმების შედგენის ტექნიკა;
• კენჭიყრის დღის განცხადებები/საჩივრები.

ტრენინგი პრაქტიკულ სწავლებაზე დაფუძნებით წარიმართება, გათვალისწინებულია სხვადასხვა თემატური სავარჯიშოების შესრულება.

ტრენინგების ჩატარებას უზრუნველყოფს სწავლების ცენტრის მიერ გადამზადებული 7 ტრენერი (საოლქო საარჩევნო კომისიების წევრები, რომლებიც ტრენერების სტატუსით ერთვებიან პროექტში). სწავლება პანდემიასთან დაკავშირებული ყველა რეკომენდაციის დაცვით წარიმართება. გრაფიკი ხელმისაწვდომია ბმულზე.