2016 წლის 25 მარტს დასრულდა საქართველოს საარჩევნო ადმინისტრაციის ტრენერების შესარჩევი კონკურსი. შერჩეული ტრენერები საოლქო საარჩევნო კომისიების წევრებთან თანამშრომლობით განახორციელებენ საინფორმაციო-სასწავლო კურსს „არჩევნები და ახალგაზრდა ამომრჩეველი“ 22 მუნიციპალიტეტში მდებარე 75 საჯარო სკოლის XI–XII კლასის მოსწავლეებისთვის.

სასწავლო კურსის განხორციელებამდე ტრენერები და საოლქო საარჩევნო კომისიების წევრები 2016 წლის 27-31 მარტის პერიოდში გაივლიან სპეციალურ მოსამზადებელ კურსს, რომლის ჩატარებას უზრუნველყოფენ სწავლების ცენტრის წარმომადგენლები.

აღნიშნული პროექტი ხორციელდება ცესკოსა და სწავლების ცენტრის მიერ, საქართველოს განათლებისა და მეცნიერების სამინისტროსთან თანამშრომლობით, საარჩევნო სისტემების საერთაშორისო ფონდის (IFES) ფინანსური მხარდაჭერით.