გარდაბნის მუნიციპალიტეტის გამგებლის 2016 წლის 28 იანვრის რიგგარეშე არჩევნებისთვის შემუშავებული ტრენინგების კონცეფციის შესაბამისად, 27 დეკემბერს დაიწყო ტრენინგების I ეტაპი N21 გარდაბნის საოლქო საარჩევნო კომისიის წევრებისათვის.

I ეტაპი ეთმობა საოლქო საარჩევნო კომისიის სრული შემადგენლობის სწავლებას, რომლის პროცესშიც განიხილება შემდეგი ძირითადი სასწავლო მოდულები:

• საოლქო საარჩევნო კომისიის საქმიანობა წინასაარჩევნო პერიოდში;
• საარჩევნო პროცესში მონაწილე პირთა რეგისტრაცია;
• საოლქო საარჩევნო კომისიაში საარჩევნო დოკუმენტაციის მიღება, კენჭისყრის შედეგების შეჯამება;
• განცხადება/საჩივრების შეტანისა და განხილვის წესი;
• საუბნო საარჩევნო კომისიის პირველი სხდომა და პირველი სხდომის ინსტრუქცია (ეპიზოდური ინსცენირება).

ტრენინგების ჩატარებას უზრუნველყოფენ სწავლების ცენტრის თანამშრომლები.

საოლქო საარჩევნო კომისიის წევრთა ტრენინგის II ეტაპი განხორციელდება 21 იანვარს.